Сям’я… Такое кароткае, але вельмі важнае слова ў жыцці кожнага чалавека. Гэта маленькае кола дарагіх сэрцу людзей, якія заўсёды і ўсюды разам, дзе жадаюць адзін аднаму поспеху і шчасця. Сям’я — маленькі астравок,  дзе пануе ўзаемная павага, любоў і гатоўнасць дапамагаць, дзе ўсе разам  вырашаюць праблемы, дзе падтрымаюць і суцешаць, прыйдуць на дапамогу і будуць любіць усё жыццё. У добрай сям’і любы чалавек становіцца лепшым і больш шчаслівым. У такіх сем’ях вырастаюць шчодрыя, уважлівыя і задаволеныя сваім жыццём людзі. 

У  Макараўскім яслях-садзе – сярэдняй школе шмат мнагадзетных сямей, у якіх выхоўваецца большая палова навучэнцаў нашай установы  адукацыі, усе  сем’і са станоўчым вопытам выхавання дзяцей. Напэўна,  эфектыўнасць сучаснага выхавання залежыць і ад цеснага супрацоўніцтва і ўзаемадзеяння сям’і і школы. Ва ўстанове распрацаваны і рэалізуецца праект «Школа + Сям’я = Поспех», які накіраваны на аб’яднанне дзяцей і дарослых, на ўдзел бацькоў у забаўляльных мерапрыемствах. Навізна праекту складаецца ў тым, што мы даем бацькам магчымасць праявіць ініцыятыву самім і адчуць значнасць калектыўнай творчай дзейнасці ў працэсе выхавання дзяцей. Акрамя таго, праект садзейнічае павышэнню аўтарытэта бацькоў у сям’і, павышае самаацэнку вучняў, што, несумненна, спрыяе збліжэнню дарослых, дзяцей і школы.

Заўважылі, што нашы бацькі актыўна ўключыліся ў рэалізацыю праекта,  з радасцю прымаюць удзел ва ўсіх мерапрыемствах. Удзельнікамі становяцца не толькі мамы, але і таты.

Сёння хачу падзяліцца вопытам узаемадзеяння і станоўчага выхавання дзяцей у сям’і Паўла Яўгеньевіча і Марыны Віктараўны Урбановічаў.  Сям’я Урбановічаў мнагадзетная, тут выхоўваецца чацвёра дзяцей. Дзеці паважаюць старэйшых, клапоцяцца аб меньшых, Самы старэйшы сын Данііл вучыцца ў 8 класе, спартсмен, актыўны ўдзельнік розных мерапрыемстваў. Дачка Паліна – вучаніца шостага класа, выдатніца, займаецца ў музычнай школе па класу “Баян”, сын Мацвей – вучань другога класа,  характырызуецца як працавіты, адказны, надзейны сябар. І самы маленькі Арсеній, якому споўнілася 2 з паловай  гады, стараецца браць прыклад са сваіх бацькоў, братоў і сястрычкі. Яму цікава разглядаць дзіцячыя кнігі, бегаць за мячыкам, гуляць у настольныя гульні.  Розныя па характару, розныя па праяўленню інтарэсаў, але кожнага з дзяцей гэтай сям’і аб’ядноўвае павага і любоў да сваёй сям’, да свайго роду, а гэта значыць і любоў да сваёй Радзімы.

Павел Яўгеньевіч і Марыя Віктараўна  дапамагаюць сваім дзецям смела крочыць па прыступках поспеху, падтрымліваюць іх, радуюцца кожнай перамозе, пры гэтым і самі прымаюць актыўны ўдзел у мерапрыемствах, якія праводзяцца не толькі ва ўстанове адукацыі, але і ў раёне. Так, у лістападзе 2018 года сям’я прыняла ўдзел у раённай гульнявой праграме “Разам весялей”. Марыя Віктараўна мае залатыя рукі, вырабляе прыгожыя рэчы з паперы, сям’я штогод прымае ўдзел у конкурсе “ Самаробны цуд”, “Выратавальнікі вачыма дзяцей” і інш..

Педагагічны калектыў ганарыцца сваімі навучэнцамі і іх бацькамі, спадзяемся, што і далей установа адукацыі і сем’і навучэнцаў будуць цесна ўзаемадзейнічаць і смела крочыць па жыцці, дзе кожны з іх стане добрым сем’янінам, чалавекам чулым, міласэрным, спагадлівым, патрыётам сваёй краіны.